ՈՐՍՈՐԴ ԱՇՈՏ ԷՎՈՅԱՆԻ ՏԵՍԱԿԵՏՆԵՐԸ ԳԱՅԼԵՐԻ ՀԱՐՁԱԿՄԱՆ ՎԵՐԱԲԵՐՅԱԼ

- Ո՞րն է  պատճառը, որ  գայլերը վերջին շրջանում հաճախ են  հարձակվում գյուղի  մանր եղջերավոր անասունների վրա:

- Գիտեք ինչպես, խորհրդային տարիներին արմատացած մի տեսակետ կար, ըստ որի գայլերը  անտառի սանիտարներն են, սակայն անտառահատումների  պատճառով, խախտվեց անտառի  բալանսը, և ստեղծված անհավասարակշռության արդյունքում գայլերը այլևս չեն կարողանում անտառում գտնել իրենց սնունդը և կշտանալու միակ ելքը մնում է գյուղի անասուններին հոշոտելը:

 -Ի՞սկ եղանակը նպաստու՞մ է նման վարքագծի դրսևորմանը:

- Գայլերը, սովի պատճառով, հատկապես այս եղանակին են ակտիվանում, քանի որ ձմռանը կարողանում են հեշտությամբ որս կատարել: Ձմռանը  հատկապես գայլերին զոհ են դառնում եղնիկները, քանի որ առատ ձյան պայմաններում եղնիկների ոտքերը խրվում են ձյան մեջ և արագ չեն կարողանում փախչել:

-Որո՞նք են գայլերին բնորոշ հատկանիշները:

- «Գայլերը հայրենիք չունեն», համեմատաբար թույլ հոտառությամբ, խելացի, հետաքրքիր, զգոն, արագաշարժ կենդանիներ են: Չեն վախենում և ոչ մի կենդանուց:

-Ի՞սկ պետությունը որևէ քայլեր չի ձեռնարկում `նման վտանգից գյուղացուն զերծ պահելու համար:

 -Օրենքի համաձայն , որսի սեզոնը փետրվարի 28-ին համարվում է փակված և դրանից հետո յուրաքանչյուր կենդանու որսը համարվում է քրեորեն պատժելի արարք, սակայն որոշ դեպքերում, հատուկ թուլտվությամբ, թույլատրվում է գայլերին սպանել: Նախկինում կար մի այսպիսի օրենք, որի համաձայն, սպանված ամեն գայլի համար պետությունը որսորդին տրամադրում էր 100.000-ական  դրամ, բայց հիմա այդ օրենքն էլ ուժի մեջ չէ: Ճիշտ է բնապահպանության տեսակետից գայլերի որսը թույլատրելի չէ, սակայն եթե այսպես շարունակվի, գայլերը լուրջ վտանգ կներկայացնեն նաև բնակչության համար: