Ամեն տարվա մայիսի 18-ը նշվում է որպես «Թանգարանների գիշեր»: Այդ օրը Հովհ. Թումանյանի տուն-թանգարանում կազմակերպվում են բազմաբնույթ միջոցառումներ: Այս տարի ևս հետաքրքիր միջոցառումներ կազմակերպեցին հատկապես դպրոցականների համար: Երեխաները խաղում էին Հովհ. Թումանյանի ստեղծած խաղերը, որոնք վերատպվել են Երևանի Հովհ. Թումանյանի թանգարանում: Խաղի մասին Թումանյանը գրում է. «Խաղը մարդու բնական օրգանական պահանջն է, նրա լրջությունն է, նրա էությունն է: Խաղը մի հեշտ ու հաճելի միջոց է, որ նպաստում է մարդու թե´ ֆիզիկական, թե´ մտավոր, թե´ հոգևոր-բարոյական զարգացմանը»: Երեխաները սիրով խաղում էին «Հնարամիտ հովիվը», «Հայոց գետերը»: Խաղին մասնակցում էին նաև ծնողները: Կազմակերպվել էր նաև ցուցահանդես` «Թումանյանը նկարիչ» թեմայով: Ոչ բոլորը գիտեն, որ Թումանյանը ուներ 3 լուսանկարչական ապարատ: Նկարում էր ընտանիքի անդամներին, ընկերներին, իսկ իրեն նկարում էր Մուշեղ որդին: Նկարում Թումանյանը տոնական տրամադրությամբ էր:
Ցուցադրված նկարները խոսում են մեծ բանաստեղծի տաղանդի այդ կողմի մասին ևս:
Комментариев нет:
Отправить комментарий