Երիտասարդների կամավորության հերթական դրսևորումը

Լոռու մարզի Դսեղ, Ախթալա և Մարգահովիտ  գյուղերի Համայնքային երիտասարդական ակումբները    և                  Համայնքային ակտիվ խմբի անդամները «Կամավորություն+Գործողություն=Փոփոխություն»  ծրագրի շրջանակներում այցելել էին Վանաձորի Ծերերի տուն: Ակումբների երիտասարդները երգ ու պարով ուրախացրեցին ծերերին: Նրանք իրենց հետ բերել էին իրենց իսկ ձեռքով պատրաստած գյուղական ուտեստները,  որոնք  հյուրասիրեցին Ծերերի տան բնակիչներին: «Ծրագիրն իրականացնում է Գյումրու «Երիտասարդական նախաձեռնությունների կենտրոն»  ՀԿ-ն՝ Քաունթերփարթ ինթերնեշընըլի Հայաստանյան ներկայացուցչության և ԱՄՆ Միջազգային գործակալության աջակցությամբ: Լոռու մարզում կազմակերպիչը «ՀԿ Կենտրոն» Քաղաքացիական հասարակության զարգացման  հասարակական  կենտրոնն  է, որն աշխատում է այդ համայնքներում:

Ծրագրի նպատակն էր համայնքներում ընդլայնել կամավորությունը: Եվ բոլորն էլ իրենց ներդրումն ունեցան ակցիան հաջողությամբ իրականացնելու համար:

Վերջում Ծերերի տան բնակիչները շնորհակալություն հայտնեցին բոլոր կազմակերպիչներին՝ հույս հայտնելով, որ նմանօրինակ այցերը կլինեն ավելի հաճախակի:

«Փայտե» ցուցահանդես՝ թումանյանական մոտիվներով

«Լռության լեզուն» ցուցահանդեսը հյուրընկալվել է Հովհաննես Թումանյանի տուն-թանգարանում: Փայտե արձանիկները, քանդակները տուն-թանգարան այցելած յուրաքանչյուր մարդու անտարբեր չեն թողնում. ցուցահանդեսի ու քանդակների հեղինակ Սուսաննա Օհանյանն այս ցուցահանդեսը պատրաստել է Ամենայն հայոց բանաստեղծի 145-ամյա հոբելյանին ընդառաջ. «Թեկուզ լռությամբ, բայց կարող ենք հիշել Ամե նայն հայոց բանաս տեղծի հոբե լյանը»,- նշում է տի կին Օհա նյանը: Բոլոր քան դակներն ինքն իր ձեռքով է քանդակում:   Այսօր էլ ներկայացել է Թումանյա նական ստեղծա գործությունների քանդակներով, Լոռվա գյուղա տնտեսական պատկերներով. «Ձիթհան», «Եզան պայ տում», «Հորիքչին», «Հորովել» և այլն: Քան դակ ների հեղինակը ցուցահանդեսներ է ունեցել Փայտարվեստի թանգարանում, «Նարեկացի» ար վես տի միու թյունում, Վանաձորում, Ստեփա նա վանում, ունե ցել է անհատական ցուցահանդեսներ: Մաս նակ ցել է նաև Քրիստոնեության 1700-ամյակին նվիր ված «փայտե» ցուցա հան դեսներին, մի շարք քանդակների համահեղինակ է: Բայց այսօրվա ցուցահանդեսն, ըստ Սուսան նա Օհանյանի, յուրահատուկ է իր համար. «Շատ հաճելի է և հոգե հարազատ: Արժանացել եմ ջերմ ընդունե լու թյան»: Թումանյանի տուն-թանգա րա նի վարիչ Ռոզա Ղա զումյանը ևս տպավորված է ցուցադրու թյամբ. «Հետաքրքիր է նրանով, որ թանգարանի առօրյայի մեջ նորություն մտավ: Աշխատան քները հետա քրքիր են, մանավանդ որ գերա կշռում են Թումա նյանական ստեղծագործու թյունների քանդակ ները: Հետաքրքիր աշխա տան քներ կան: Հետա քրքիր է, երբ կինն է աշխատել փայտի հետ: Դա մի յուրահատ կու թյուն է, հատկապես երբ նա ինքնուս է»: Ինքնուս քանդակագործն իր աշխատանքներն ստեղծում է միայն դրանց մա սին լայն պատ կերացում ունենալուց հետո: «Ձիձհանի քանդակն ստեղ ծելուց առաջ շուրջ ութ տարի հետաքրքրվել և տեղեկություններ եմ քաղել, ծանոթացել ամեն դետալին, նոր միայն քանդակել այն: Թումանյանի ստեղծագոր ծու թյունների քանդակ ներն ստեղծել եմ կարճ ժամանակահատվածում, քանի որ արդեն պատկերացում ունեի հեքիաթների հերոսների մասին»:   
      

Արցախյան պատերազմի դսեղցի հերոսը

Արցախյան պատերազմի ընթացքում Լոռու մարզի Դսեղ գյուղից շատերը գնացին ռազմաճակատ, սակայն Արթուր Մուրադյանը    զոհ գնաց մարտերին,           իսկ Մհեր  Հախվերդյանը զոհվեց համեմատաբար խաղաղ ժամանակաշրջանում՝             ավելի ուշ: Դսեղ գյուղի կենտրոնում բացվեց նրանց հիշատակը հավերժացնող հուշաքար: Դսեղի գյուղապետ Նորիկ Քո չա րյանը, բացելով միջոցառումը, նշեց.«Բոլորի ցավն եմ կիսում այսօր, քանի որ իսկապես կորցրել ենք, բայց պար տավոր ենք հիշել նահատակվածներին: Թող անմահություն լինի այն զավակներին, ովքեր մտածված կեր պով մահվան են գնացել»: «Բար ձրագույն ուսումնական հաստատությունն ավարտած Արթուրը, որպես գյուղական ուսու ցիչ, ազատված էր ծառայությունից, սակայն մի օր եկավ և ասաց, որ բանակին սպաներ են պետք, ինչպես կարող էր ինքը չգնալ այն դեպքում, երբ պահեստազորի ավագ լեյտենանտ էր: Երեք տղա ուներ, որոնցից մեկը դեռ շատ փոքր էր»,-արցունքն աչքերին՝ հիշում է Արթուրի մայրը՝ տիկին Սոխակը: Շախմատի սիրահար Արթուրի մասին դասընկերներն ու հարազատները միմիայն դրվատանքի խոսքեր են ասում.«Լավ ընկեր էր, լավ մարդ, լավ զավակ»:

Բազմամարդ միջոցառման ընթացքում Լոռու մարզպետարանից, մայրաքաղաքից և հարևան շրջաններից եկած հյուրերին ու դսեղցիներին տրվեց մատաղ:

Մանկական խաղահրապարակ Դսեղում

Հունիսի 25-ին  հաջողությամբ կյանքի կոչվեց  Դսեղում ԱՄՆ Խաղաղության կորպուսի կամավոր  Մերի Էն  Հարթիի և Դսեղի ՀԱԽ-ի անդամ Մանիկ Եգանյանի  նախաձեռնությամբ մշակված ծրագիրը: Ծրագրի արդյունքում գյուղի կենտրենում բացվեց  ժամանակակից ոճով կառուցված մանկական խաղահրապարակ: Ծրագրի շրջանակներում տեղադրվել են  5 նստարան, 1  ունիվերսալ սահարան, 1 պտույտ, 4 տարբեր տիպի ճոճանակ, 5 աղբաման, որոնցից մեկը նվեր Մերի Էն  Հարթիի կողմից: Ամբողջ բյուջեն տրամադրել է Խաղաղության կորպուսը և որոշակի ներդրում է կատարել նաև գյուղապետարանը:

Միջոցառմանը ներկա էր Խաղաղության կորպուսի ծրագրային մասի ղեկավար Մառլենա Հովակիմյանը, ով ողջունելի համարեց կամավորության փաստը համայնքում և շնորհակալություն հայտնեց Մանիկ Եգանյանին ՝ ծրագիրը կամավոր սկզբունքով ղեկավարելու համար:

Գյուղապետ Նորիկ  Քոչարյանը ևս շնորհակալական խոսքով հանդես եկավ և նշեց, որ նման ծրագրերը գյուղի համար կենսական նշանակություն ունեն:

Միջոցաման ընթացքում ելույթներով հանդես եկան Դսեղի նախակրթական ուսումնական հաստատության սաները: Միջոցառման զվարճալի պահը ծաղրածու Պուպուշիկինն էր:

 

ՈՒսուցչուհին և նրա ինքնագործ թատերական խումբը

2006թ. թվականից Դսեղում հիմք դրվեց «Թումանյանական հեքիաթի օր» ամենամյա տոնակատարությանը: Դսեղ ժամանեցին թատերական խմբեր ինչպես Հայաստանից, այնպես էլ աշխարհի շատ երկներից` անցկացնելու այդ հրաշալի միջոցառումը: Տեսնելով այդ ամենը, հենց հաջորդ տարի Դսեղի հանրակրթական դպրոցի գերմաներեն լեզվի ուսուցչուհի Սուսաննա Թումանյանը, սեփական նախաձեռնությամբ,  ստեղծեց ինքնագործ թատերական խումբ և բեմադրեց առաջին ներկայացումները:

-Ի՞նչը հիմք հանդիսացավ խմբի ստեղծման համար:

- Թումանյանի հարկի տակ փառատոն էր կազմակերպվում, և մենք լինեինք դիտորդի դերում, դա մեզ պատիվ չէր բերում: Իմ դասղեկական դասարանից ստեղծեցի թատերական խումբ և սկսեցինք աշխատանքները:

-Ո՞րն էր խմբի  առաջին ներկայացումը:

- Առաջին ներկայացումը «Կիկոսի մահն»  էր` գերմաներեն լեզվով: Բացի նշված ստեղծագործությունից, բեմադրեցինք նաև «Անտառի տնակը»:

-Ո՞րն էր գերմաներեն լեզվով հանդես գալու պատճառը:

- Քանի որ ես ինքս գերմաներեն լեզվի մասնագետ եմ, որոշեցի հենց այդ լեզվով կազմակերպել ներկայացումները` հետապնդելով մի քանի նպատակ: Նախ՝ ակտիվացնել իմ դասարանը, խթանել գերմաներենի ուսուցումը, հանրությանը ճանաչելի դարձնել Թումանյանի ստեղծագործությունները, ինչպես նաև  իմ համայնքի երեխաների և օտարների շփումները դարձնել ավելի ինտենսիվ: Ունեցել ենք նաև ներկայացումներ հայերեն լեզվով: Հենք ընդունելով Թումանյանի «Սուտասանը» հեքիաթը, փորձել ենք վեր հանել նաև մեզ հուզող հարցեր: Այս ներկայացումը բուռն արձագանք գտավ հասարակության շրջանում: Հաջորդ տարի խումբը բեմադրեց «Պապն ու շաղգամը» ստեղծագործությունը: Հանդիսատեսը միշտ էլ ծափողջյուններով է արձագանքել խմբի ելույթներին:

- Որտե՞ղ եք հանդես եկել ձեր ներկայացումներով:

- Խումբը ելույթներով հանդես է եկել ինչպես Հովհ. Թումանյանի տուն-թանգարան այցելած զբոսաշրջիկների համար, այնպես էլ «Բերքի տոն» -ին կազմակերպված մեծ միջոցառմանը` Գյուլագարակում: Խումբը ելույթներ է ունեցել նաև Երևանում: Ստացել է պատվոգրեր և լավ բեմադրություն նոմինացիա:

- Ունեի՞ք  բեմադրությունների համար անհրաժեշտ սեփական տիկնիկներ եւ հագուստներ:

- Բեմադրությունների համար անհրաժեշտ տիկնիկները և պարագաները ժամանակավոր տրամադրել են փառատոնի կազմակերպիչները` հանձինս Արմեն Սաֆարյանի և մեր համագյուղացի Արմենուհի Խաչատրյանի, ովքեր մեզ օժանդակել են թատրոնի կայացման գործընթացում: Մի քանի տիկնիկ էլ խումբը նվեր է ստացել:

- Այժմ գործու՞մ է  խումբը:

- Թատերական խմբի սաները 2012 թվականին ավարտեցին դպրոցը և խումբը ցրվեց:

-Ի՞նչ պլաններ ունեք առաջիկայում, քանի որ թատերական  խումբը ցրվել է:

- Ես ամեն տարի առիթը բաց չեմ թողնում տարբեր դասարանների իմ սաների հետ ներկայացումներ կամ այլ բնույթի միջոցառումներ կազմակերպել: Օրինակ 2012թ. աշնանը 9-րդ դասարանի աշակերտների ուժերով ներկայացրինք Gestatten, Froschkönig! (Թույլ տվե´ք, գորտ-թագավոր) հեքիաթը տուն-թանգարան այցելած մեծաթիվ զբոսաշրջիկների և համագյուղացիների համար, որը նույնպես ջերմ ընդունելիություն գտավ:

Ուսուցչուհին հաճախ է կազմակերպում գերմաներեն լեզվով միջոցառումներ: Հունիսի 3-ին 9-րդ դասարանցիները գերմանացի դասսական գրականության ներկայացուցիչների` Հայնեի, Գյոթեի, Շիլլերի ստեղծագործություններով ելույթ կունենան Հովհ. Թումանյանի տուն-թանգարանում: Ուսուցչուհին պատրաստվում է իր փորձով և գիտելիքներով կիսվել նաև հուլիսին գյուղ այցելող ավստրիացի արվեստագետների և երիտասարդների հետ:

Հայտարարություն

  ՀԱՐԳԵԼԻ ´  ԴՍԵՂՑԻՆԵՐ,

              Դսեղի  Համայնքային աշխատանքային խումբը  Քաունթերփարթ Ինթերնեշնլի Համայնքային զարգացման §Մշակութային կյանքի ակտիվացում¦ ծրագրի շրջանակներում  հայտարարում է  "Իմ գյուղը " խորագրով լուսանկարների մրցույթ: Մրցույթին    կարող են մասնակցել ամեն տարիքի մարդիկ: Լուսանկարները պետք է լինեն թվային ֆորմատի: Տպագրված ոչ մի լուսանկար չի ընդունվի այս մրցույթին մասնակցելու համար: Լուսանկարները պետք է արված լինեն թվային տեսախցիկով: Յուրաքանչյուր մասնակից կարող է ներկայացնել  մինչև 3 հատ նկարներ: Բոլոր թվային ֆայլերը պետք է լինեն 5 մեգաբայթ կամ ավելի փոքր, պետք է լինեն JPEG կամ JPG ֆորմատի: Լուսանկարները պետք է լինեն ներկայացման ամսաթվից ամենաշատը 2 տարի առաջ նկարված և պետք է նախկինում որևէ մրցանակի արժանացած չլինեն: Լուսանկարները պետք է ուղարկվեն հետևյալ էլ. հասցեին kh.syuzan@gmail.com  և պետք է վերնագրված լինեն “Իմ գյուղը”: Լուսանկարների ընդունման վերջնաժամկետը 2013 թ.-ի հունիսի 27-ն է: Լավագույն լուսանկարները կտեղադրվեն կայքում` www.dsegh.am  և սոցիալական կայքերում: Լուսանկարների մրցույթի արդյունքները կտեղադրվեն Դսեղի մշակույթի տան նախասրահի մշտական ցուցադրության մեջ:

Դսեղի  Համայնքային աշխատանքային խումբ