Դսեղ համայնքում հաստատվել է Քաունթերփարթ Ինթերնեշնլի
կողմից հայտարարված
Համայնքային զարգացման
դրամաշնորհային «Մշակութային
կյանքի ակտիվացում» ծրագիրը:
Ծրագիրը ներկայացվել
էր Դսեղի ՀԱԽ-ի կողմից: Այն հետապնդում է հետևյալ նպատակը՝ նպաստել համայնքային կյանքի
ակտիվացմանը մշակույթի տան լիարժեք շահագործման միջոցով:
Ծրագրով նախատեսվում է մշակույթի տանը հիմնել մեծահասակների զբաղվածության կենտրոն, այն կահավորել խաղերի համար նախատեսված գույքով` թենիսի սեղան իր հարմարանքներով, նարդի, դոմինո, սեղան-աթոռներ, աղբամաններ, շերտավարագույր: Կապահովվի բնակիչների՝ խաղասենյակի ազատ օգտագործումը, հավաքվելով մարդիկ կկազմակերպեն ոչ միայն իրենց ժամանցը, այլեւ ոչ ֆորմալ քննարկումներ կանեն գյուղի հիմնախնդիրների, դրանց լուծումների շուրջ:
Ծրագրի շրջանակներում ձեռք կբերվի նաև ձայնային տեխնիկա` բարձրախոսներ, ղեկավարման վահանակ, հոսանքի կարգավորիչ: Ունենալով նման որակյալ սարքավորումներ, հնարավորություն կստեղծվի այստեղ հրավիրել հանրապետության հայտնի թատերական ու երաժշտական խմբեր, անհատ
կատարողներ: Ծրագրի շրջանակներում կիրականացվի նաև ՙԻմ
գյուղը՚ խորագրով ֆոտոցուցահանդես և ցուցահանդեսի նկարներով կպատվիրվի ցուցանակ, որը կտեղադրվի Մշակույթի տան նախասրահում և կլինի
մշտական ցուցադրության մեջ: Ցուցահանդեսի
կազմակերպչական
աշխատանքները կիրականացնեն ՀԵՆԱ-ի
երիտասարդները:
Սա համալիր ծրագիր է, որը կնպաստի մշակույթի տան լիարժեք շահագործմանը, համայնքային կյանքի ակտիվացմանն ու զարգացմանը: Ծրագրի արդյունքում մշակույթի տանը կստեղծվի մեծահասակների զբաղվածության կենտրոն և կունենանք մշակութի տանը իրականացվող միջոցառումների քանակական և որակական աճ:
Սա համալիր ծրագիր է, որը կնպաստի մշակույթի տան լիարժեք շահագործմանը, համայնքային կյանքի ակտիվացմանն ու զարգացմանը: Ծրագրի արդյունքում մշակույթի տանը կստեղծվի մեծահասակների զբաղվածության կենտրոն և կունենանք մշակութի տանը իրականացվող միջոցառումների քանակական և որակական աճ:
Комментариев нет:
Отправить комментарий