Դասընթաց «Քաղլրագրություն» թեմայով

Ապրիլի 20-ին և 21-ին Դսեղի  ՀԵՆԱ-ի անդամները մասնակցեցին «Քաղլրագրություն» թեմայով դասընթացի:

 Այն կազմակերպվել էր  ՀԿ  կենտրոն ՔՀԶ ՀԿ-ի  Վանաձոր  Իֆոտուն ծրագրի շրջանակներում: Դասընթացը վարեց լրագրող Վահագն Անտոնյանը: Սկզբում ՀԵՆԱ անդամները ծանոթացան թեմատիկ նյութին,որից հետո կատարեցին գործնական աշխատանք: Քննարկվեցին նաև «Վերնատուն» ամսաթերթի առաջիկա համարում հրատարակվելիք նյութերը: 

Դասընթացը անցավ բուռն քննարկումներով: ՀԵՆԱ անդամները ձեռք բերեցին նոր գիտելիքներ լրագրության վերաբերյալ, որոնք կկիրառվեն ամսաթերթը ավելի կատարելագործելու համար:

Եղեռնի հիշատակի օր

Ապրիլի 24-ին, ժամը 10:30-ին Դսեղի Ս. Գրիգոր Լուսավորիչ եկեղեցու բակում տեղադրված խաչքարի մոտ հարգանքի տուրք կմատուցվի Եղեռնի զոհերի հիշատակին`ծաղիկներ կդրվեն հուշարձանին:

Եղանակը Դսեղում

Ձյան առատ տեղումների հետևանքով Դսեղում ապրիլի 18-ից 21-ը սպասվում է ցրտահարություն:

«Վերնատուն» ամսաթերթի շնորհանդեսը

Այսօր Դսեղի մշակույթի տանը տեղի ունեցավ «Վերնատուն» ամսաթերթի շնորհանդեսը: 
Շնորհանդեսի հյուրերն էին` 
Քաունթերփարթ Ինթերնեշնլի քաղաքացիական հասարակության գծով մասնագետ Գայանե Մարտիրոսյանը,
քաղաքացիական հասարակության ծրագրի պատասխանատու  Վահե Դարբինյանը, ՀԿ կենտրոն ՔՀԶ ՀԿ-ի աշխատակից Հերմինե Գասպարյանը, Դսեղի գյուղապետարանի աշխատակազմը` հանձինս գյուղապետ Նորիկ Քոչարյանի, առողջապահական կենտրոնի անձնակազմը, միջնակարգ դպրոցի տնօրեն Էդուարդ Շեկոյանը, Հովհ.Թումանյանի տուն-թանգարանի վարիչ Ռոզա Ղազումյանը  և բազմաթիվ դսեղցիներ:
Միջոցառման սկզբում ելույթով հանդես եկան` ՀԵՆԱ-ի համակարգող Էֆրիդա Եգանյանը, գյուղապետ Նորիկ Քոչարյանը, դպրոցի տնօրեն Էդուարդ Շեկոյանը և Քաունթերփարթ Ինթերնեշնլ կազմակերպության հայաստանյան ներկայացուցիչները: 
Միջոցառման մշակութային մասը նվիրված էր «Մայրության և գեղեցկության» տոնին: ՀԵՆԱ անդամները բանաստեղծություններ և երգեր նվիրեցին գարնանային այդ գեղեցիկ տոնի առիթով: Պարային համարներով հանդես եկավ  նաև «Զարթոնք» պարային համույթը: Միջոցառման վերջում «Վերնատուն»  ամսաթերթի անդրանիկ համարից բաժանվեց բոլոր ներկաներին:
«Վերնատուն» ամսաթերթի էլեկտրոնային տարբերակը՝ http://issuu.com/nishemodo/docs/desgh_newsletter

Շնորհավորում ենք

Սիրելի´ մայրեր, քույրեր, տատիկներ ընդունեք մեր ջերմագին շնորհավորանքները` կանանց միամսյակի  կապակցությամբ: Որպես պատմական իրողություն` հատկապես հայ մայրերը, իրենց աննկարագրելի ներդրումն են ունեցել ոչ միայն մեր ազգի պահպանման, սերունդների կրթման և դաստիրակման գործում, այլև իրենց ոգեղեն կեցվածքով մշտապես եղել են հայ ընտանիքի ամուր սյունն ու կայուն ընտանիքի երաշխավորը: Ցանկանում ենք առողջություն, կանացի երջանկություն և իղձերի իրականացում: Այսօրվա խորհուրդը հնարավորություն է տալիս ևս մեկ անգամ արժևորելու ձեր անգնահատելի դերը և մաղթելու ամրություն ու ներդաշնակություն ձեզ`ձեր ընտանիքներում, աշխատանքում և բոլոր նոր ձեռնարկումներում:

Բարեկարգ դպրոց

Ապրիլի 7-ին Դսեղի միջնակարգ դպրոցում տեղի ունեցավ շաբաթօրյակ:

Շաբաթօրյակին մասնակցում էին 1-12-րդ դասարանների  աշակերները:

 Առավել ակտիվ էին 6-րդ դասարանը` դասղեկ Ա. Ղուլինյան, 5-րդ  դասարանը` դասղեկ Ջ. Վարդանյան, 9-րդ դասարանը` դասղեկ Ս. Դալլաքյան:

Ավարտական դասարանների աշակերտները տնկեցին անվանական ծառեր, իսկ միջին դասարանների  աշակերտները զբաղվեցին ծաղիկների տնկմամբ և շրջակայքը մաքրելու աշխատանքներով:

Շաբաթօրյակի ընթացքում բարեկարգվեց դպրոցի շրջակայքը. մաքրվեց աղբից, ծառեր ու ծաղիկներ տնկվեցին:

Ըստ դպրոցի տնօրեն Է. Շեկոյանի` հետագայում նմանատիպ միջոցառումների ժամանակ  պետք է  ավելի մեծանա երեխաների ներգրավվածությունը, որպեսզի յուրաքանչյուրը գիտակցի իր շրջակայքի մաքրության կարևորությունը և պարտավորված զգա  դպրոցի տարածքը մաքուր պահելու  հարցում:

Աշակերտների ծնողները նույնպես գոհունակություն հայտնեցին նմանատիպ միջոցառումներ անցկացնելու համար: Սյուզաննա Խառատյանը նշեց, որ այդպիսի միջոցառումների շնորհիվ երեխան մանկուց կսովորի սիրել իր գյուղը և  տարբեր քայլեր կձեռնարկի այն գեղեցիկ դարձնելու ուղղությամբ՝ նշելով, որ իր երեխան շատ ուրախ է կոլեկտիվի հետ աշխատելու համար:

Ֆոտո եւ վիդեո հմտություններ

Այսօր՝ մարտի 30-ին, Դսեղի ՀԵՆԱ-ում ՀԿ Կենտրոն ՔՀԶ ՀԿ-ի Վանաձոր Ինֆոտուն ծրագրի շրջանակներում կազմակերպվել էր դասընթաց` «Ֆոտո եւ վիդեո հմտություններ սկսնակների համար» թեմայով, որին մասնակցեցին ՀԵՆԱ-ի 9 անդամներ: Դասընթացը վարեց Գոռ Աղաջանյանը: Տեսական նյութի մատուցումից հետո,երիտասարդներին տրվեց գործնական աշխատանք:Նրանք իրենց ֆոտոապարատներով,բնության գրկում, բազմաթիվ փորձեր կատարեցին`նկարելով գեղեցին և յուրօրինակ բնանկարներ: Այնուհետև նրանք ներկայացրեցին իրենց աշխատանքները: Այս ընթացքում տեղի ունեցավ բուռն քննարկում, որն էլ ավելի ամրապնդեց ձեռք բերված գիտելիքները: